''Բավարիա''-ն եզրափակիչում է

Կայացավ  Չեմպիոնների լիգայի կիսաեզրափակիչի պատասխան հանդիպումը  Մյունխենի «Բավարիա»-ի և կատալոնական  «Բարսելոնա»-ի միջև:

Մեկնարկային կազմում չէր Լեոնել Մեսսին, ով վնասվածքից նոր էր վերականգնվել:

Առաջին խաղում մյունխենցիները Բավարիայում  4 անպատասխան գնդակ էին  ուղարկել Տիտո Վիլանովայի թիմի դարպասը: Արդեն Իսպանիայում մյունխենցիները կրկին հաղթում են և կրկին մեծ առավելությամբ՝  3:0:

Առաջին խաղակեսում գոլեր չարձանագրվեցին: 49’  Հոլանդիայի հավաքականի կիսապաշտպան Արիեն Ռոբենը բացեց հաշիվը` դրանով իսկ ոչնչացնելով կատալոնական թիմի և երկրպագուների հույսերը: Սակայն կատալոնացիներին, այնուամենայնիվ, հաջողվում է գոլ խփել, բայց` սեփական դարպասը.72-րդ րոպեին «Բարսելոնա»-ի  պաշտպան Խերարդ Պիկեն գրավեց սեփական դարպասը և կրկնապատկեց հյուրերի առավելությունը:

 Րոպեներ անց Տոմաս Մյուլերը ևս դարձավ գոլի հեղինակ՝ վերջնականապես տապալելով կատալոնացիներին:

Այսպիսով՝ ընդհանուր 7:0 հաշվով «Բավարիա»-ն եզրափակիչում է: Եզրափակիչի ուղեգիր էր նվաճել նաև Դորտմունդի «Բորուսիա»-ն: Չեմպիոնների լիգայի գերմանական եզրափակիչը  կկայանա մայիսի 25-ին՝  Լոնդոնի «Ուեմբլի» մարզադաշտում: