Ամեն ինչ իմ սպասածից ավելի լավ է. Ջոկովիչ

Աշխարհի ուժեղագույն թենիսիստ` սերբ Նովակ Ջոկովիչը  Monte Carlo Masters-ից առաջ խոսել է իր առողջական վիճակի մասին։

«Վերջին մի քանի օրը ես մարզվում եմ, իսկ դրանից առաջ ապաքինվում էի ոտնաթաթիս վնասվածքից հետո։ Ամեն ինչ լավ է գնում, ես կասեի ավելի լավ, քան սպասում էի»,- Ջոկովիչի խոսքերն է մեջբերում նրա պաշտոնական կայքը։

Հիշեցնենք, որ սերբ թենիսիստը Davi's Cup-ի ժամանակ վնասել էր ոտնաթաթը, և նրա մասնակցությունը Motne Carlo Masters-ին հարցականի տակ էր։

Չորեքշաբթի օրը մրցության երրորդ ռաունդ դուրս գալու համար Ջոկովիչը կմրցի ռուսաստանցի Միխայիլ Յուժնիի հետ։ Թենիսիստների միջև անհատական հանդիպումների հաշիվը 4-3 է՝ հօգուտ Ջոկովիչի։