Տիգրան Ուրիխանյանը` ԲՀԿ երիտթևի պառակտման մասին

Վերջերս լուրեր էին շրջանառվում այն մասին, թե ԲՀԿ կուսակցության երիտթեւում պառակտումներ կան: Մասնավորապես, ասում են` հակամարտության մեջ են Տիգրան Ուրիխանյանը, Վահան Բաբայանը և Վահե Էնֆիաջյանը։

Սակայն այսօր yerkir.am-ի հետ զրույցում ԲՀԿ-ական պատգամավոր, կուսակցության մամուլի խոսնակ Տիգրան Ուրիխանյանը հերքեց այդ լուրը` նշելով, որ դա շատ ծիծաղելի լուր է: «Այն ոչ միայն իրականությանը չի համապատասխանում, այլև ով հնարել է` հնարել է ամենավատ ձևով, իր համար անձեռնտու ձևով, որովհետև մեր գործակցային ընկերական հարաբերությունները և իրենց ու մյուսների հետ չափազանց գործընկերական են և բարեկամական. սակայն նրանց հետ արյունակցական կապ չունեմ»,- ասաց նա: