Ընտրություն` մեկ թեկնածուով

Մի քանի օր առաջ Yerkir.am-ը անդրադարձել էր ԵՊՀ ժուռնալիստիկայի ֆակուլտետի դեկանի ընտրություններին և առաջադրված միակ թեկնածուին: Պարզվում է, որ սա միակ ֆակուլտետը չէ, որտեղ դեկանի թեկնածուն մեկն է:

Ապրիլի 3-ին ԵՊՀ կայքում հրապարակվել է արդեն կենսաբանության ֆակուլտետի դեկանի ընտրության համար առաջադրված միակ թեկնածուի անունը` Գևորգյան Էմիլ: Ինչպես և նախորդ դեպքում, այս անգամ էլ ԵՊՀ-ում ընտրելու են դեկան, ըստ էության, առանց ընտրելու հնարավորության:

Հավելենք, որ կենսաբանության ֆակուլտետի դեկանի պաշտոնի ընտրության համար գումարվելիք նիստը կկայանա 2013թ. ապրիլի 17-ին՝ ժամը 15:00-ին, կենսաբանության ֆակուլտետի դահլիճում: