Պռոշյանի գյուղապետը` հայտնի կլանի հերթական զոհ

Այսօր լրագրողների հետ հանդիպման ժամանակ Քաղաքագետների միության նախագահ Հմայակ Հովհաննիսյանը հայտարարեց, որ Պռոշյանի գյուղապետ Հրաչ Մուրադյանը «հայտնի կլանի հերթական զոհն էր»։

Ի պատասխան դիտարկմանը, թե` ո՞ւմ նկատի ունի` «հայտնի կլան» ասելով, Հովհաննիսյանը խորհուրդ տվեց հարցնել Արթուր Բաղդասարյանին, Արտաշես Գեղամյանին, Հայկ Բաբուխանյանին, Վիկտոր Դալլաքյանին, «ովքեր հայտնի մարդուն ժամանակին մեղադրել են սպանությունների մեջ»:

Հովհաննիսյանը համոզված է, որ Սերժ Սարգսյանի մատնանշած գաղջ մթնոլորտը ստեղծվել է ոչ թե ԶԼՄ-ների միջոցով, այլ այն պատճառով, որ մարտի 1-ի ոճրագործությունը եւ մի շարք այլ սպանություններ չբացահայտվեցին: Քաղաքագետը հայտարարեց, որ ժամանակին Արթուր Բաղդասարյանը Սերժ Սարգսյանին մատնացույց է արել, թե նա մարդասպան է, Արտաշես Գեղամյանն էլ ասել է, որ իրեն ուզում են սպանել։