Հեռուստամարաթոն` Սեւանը ՅՈՒՆԵՍԿՕ-ի ցուցակում ընդգրկելու համար

Սեւանը ՅՈՒՆԵՍԿՕ-ի համաշխարհային բնական ժառանգության ցուցակում ընդգրկելու նպատակով ապրիլի 2-ին ՀՀ գիտությունների ազգային ակադեմիայում կանցկացվի բնապահպանական հեռուստամարաթոն, որը կազմակերպել է Terra Viva միջազգային բնապահպանական շարժումը. տեղեկացնում է ՀՀ ԳԱԱ տեղեկատվական-վերլուծական կենտրոնը:

ՄԱԿ-ի Գլխավոր ասամբլեան 2013 թվականը հայտարարել է ջրային համագործակցության տարի: Այս տարի ՄԱԿ-ի դրոշի ներքո պետք է համախմբվեն միջազգային եւ տարածաշրջանային կազմակերպություններ, քաղաքացիական հասարակությունը եւ գործարարները, որպեսզի նոր մոտեցումներ մշակեն քաղցրահամ ջրի կիրառման եւ պահպանության հարցում: