Չի բացառվում, որ Սահակաշվիլին հարցաքննության կանչվի

Վրաստանի գլխավոր դատախազ Արչիլ Կբիլաշվիլին չի բացառում, որ անհրաժեշտության դեպքում հարցաքննության կարող է կանչվել երկրի նախագահ Միխեիլ Սահակաշվիլին: Այդ մասին նա այսօր հայտարարել է լրագրողների եւ ոչ կառավարական կազմակերպությունների ներկայացուցիչների հետ հանդիպման ժամանակ:

Ըստ դատախազի` քրեական-դատավարական օրենսգիրքը չի ընդունում որեւէ բացառություն որեւէ պաշտոնյայի համար, եթե անհրաժեշտություն կա նրան հարցաքննության կանչել որպես վկա. տեղեկացնում է apsny.ge-ն:

Ի դեպ, մարտի 22-ին Սահակաշվիլին հայտարարել է, որ Վրաստանը չպիտի կանգնի այն երկրների շարքում, որտեղ հարցաքննում են երկրի նախագահին` դրանով անուղղակիրոեն հասկացնելով, որ չի պատրաստվում հարցաքննության գնալ: