ՄԱԿ-ը պատրաստվում է Սիրիայում խաղաղապահ գործողության

ՄԱԿ-ը շարունակելու է պատրաստվել Սիրիայում խաղաղապահ գործողության` հույս ունենալով, որ երկրի կառավարությունը եւ ընդդիմությունը կսկսեն բանակցությունները եւ իրադրության կայունացման ու քաղաքական գործընթացի աջակցության անհրաժեշտություն կլինի: Այս մասին երեկ ИТАР-ТАСС-ին հայտնել է ՄԱԿ-ի գլխավոր քարտուղարի` խաղաղապահ գործողությունների հարցերով տեղակալ Էրվե Լադսուսը:

«Ցավոք, սիրիական ճգնաժամի խաղաղ կարգավորման գործընթացում ոչ մի առաջընթաց չկա»,- ասել է նա` հավելելով, որ հույս ունեն, որ ՄԱԿ-ի եւ Արաբական պետությունների լիգայի հատուկ պատվիրակ Լահդար Բրահիմիի առաքելությունը, այնուամենայիվ, հաջող ավարտ կունենա: