Ադրբեջանցիներն իրար միս են կրծում

Նյու Յորքի համալսարաններից մեկի ադրբեջանցի ուսանող Էմիլ Իսմայըլը Նյու Յորքի ադրբեջանցիների կազմակերպած միջոցառման ժամանակ ենթարկվել է ՄԱԿ-ում Ադրբեջանի մշտական ներկայացուցչության աշխատակից Ֆարիդ Ջեբրայիլովի հարձակմանը:

Turan գործակալությունը, վկայակոչելով ուսանողին, տեղեկացնում է, որ դիվանագետը նախկինում էլ է սպառնացել նրան ծանոթների միջոցով: Պատճառն այն է, որ ուսանողը մասնակցել է ՄԱԿ-ում Ադրբեջանի ներկայացուցչության առջեւ անցկացված բողոքի ակցիային` ուղղված Ադրբեջանում երիտասարդ ակտիվիստների հետապնդումների դեմ:

Իսմայըլի խոսքերով` ինքը դիմել է Նյու Յորքի ոստիկանություն, որտեղ իրեն խոստացել են հետաքննություն սկսել, թեեւ Ջեբրայիլովը դիվանագիտական անձեռնմխելիություն ունի: Սակայն ոսւանողը մտադիր է հասնել այն բանին, որ նրան պատժեն:

Գործակալությանը չի հաջողվել մեկնաբանություններ ստանալ Ադրբեջանի ԱԳՆ-ից եւ ՄԱԿ-ում Ադրբեջանի մշտական ներկայացուցչությունից: