Խաչիկյանն իր տարեդարձը դիմավորեց ամբաստանյալի աթոռին

Այսօր ՀՀ աշխատանքի և սոցիալական ապահովության նախարարության սոցիալական ապահովության պետական ծառայության նախկին պետ Վազգեն Խաչիկյանի ծննդյան օրն  է: Նախկին պաշտոնյան իր 41-րդ տարեդարձը ստիպված է նշել ամբաստանյալի աթոռին:  Նրան և ծառայության մի շարք այլ աշխատակիցների մեղադրանք է առաջադրված պետությանը էական նյութական վնաս պատճառելու համար:

Կենտրոն և Նորք-Մարաշ ընդհանուր իրավասության դատարանի այսօրվա նիստին լրագրողները Վազգեն Խաչիկյանից հետաքրքրվեցին, թե ի՞նչ տրամադրությամբ է նշելու իր ծննդյան տարեդարձը:

Ի պատասխան, Խաչիկյանը նշեց. «Սովորական, բարձր տրամադրությամբ կաղոթեմ ընտանիքիս անդամների համար»: