Սիրիական հակամարտությունը դեռ երկար կձգվի. Բաշար Ասադ

Սիրիայի նախագահ Բաշար Ասադը հայտարարել է, որ սիրիական հակամարտությունը, հավանորեն, դեռ երկար կձգվի. տեղեկացնում է Интерфакс-ը` վկայակոչելով լիբանանյան As-Safir թերթը:

«Մարտը երկար կտեւի, քանի որ մենք պայքարում են ահաբեկչության դեմ, որը չեն կարող պարտության մատնել աշխարհի բոլոր ուժերը: Սակայն մեր վիճակը բարելավվել է ինչպես քաղաքական, այնպես էլ ռազմական մակարդակներում»,- ասել է Ասադը:

Նախագահն ընդգծել է, որ իշխանությունները պատրաստ են երկխոսել չզինված ընդդիմության հետ` նշելով, որ  ընդդիմադիրների շարքերում տարաձայնությունները խոչընդոտում են բանակցությունների անցկացմանը: «Մենք երբեք չենք հրաժարվել եւ չենք հրաժարվելու երկխոսությունից, սակայն պետք է իմանանք, թե ում հետ ենք խոսելու: Ամեն օր տեսնում ենք, որ ընդդիմությունը դառնում է ավելի պառակտված: Թող պայմանավորվածության գան միմյանց հետ, հետո կտեսնենք»,- հայտարարել է Ասադը: