|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Մեծ Բրիտանիայի խորհրդարանի Համայնքների պալատի` շոտլանդական Ֆոլկերկ շրջանից պատգամավոր Էրիկ Ջոյսը ձերբակալվել է հարբած վիճակում ծեծկռտուքից հետո. տեղեկացնում է The Daily Mail-ը:
Երեկ երեկոյան 52-ամյա պատգամավորը եւ նրա օգնականը` արդեն հարբած, այցելել են խորհրդարանի շենքում գտնվող բարը, որտեղ կարաոկե երեկույթ է անցկացվել: Ջոյսը վիճաբանել է այցելուներից մեկի հետ: Դեպքի վայր կանչված ոստիկանները պատգամավորի հետ վիճողին դուրս են բերել փողոց, սակայն Ջոյսը նույնպես հետեւել է նրանց եւ շարունակել կռիվը: Ոստիկանները ստիպված նրան գետնին են տապալել ու ձեռնաշղթաներ հագցրել: Պատգամավորին տարել են ոստիկանական բաժանմունք: Հետաքննություն է կատարվում:
Ջոյսը նախկինում ներկայացրել է Լեյբորիստական կուսակցությունը, սակայն նման միջադեպի հետեւանքով զրկվել է անդամությունից եւ դարձել անկախ պատգամավոր: 2012-ի փետրվարին նույն բարում նա գլխով հարվածել էր Պահպանողական կուսակցության երկու ներկայացուցչի, նաեւ` վիրավորել ոստիկաններին: Այդ ժամանակ նրան տուգանել էին 3 հազար ֆունտով եւ արգելել 3 ամիս բարեր ու ալկոհոլ վաճառող խանութներ այցելել, նաեւ ուրբաթից կիրակի երեկոները դուրս գալ տանից: