Մարքսիստ Դավիթ Հակոբյանը չեզոք դիրքում է

«Եթե բնութագրենք վերեւի եւ ներքեւի հակամարտությունը, ապա պետք է նկատել, որ Հանրապետական խունտան պահանջեց ժողովրդին 5 տարի ղեկավարած դիրիժորական փայտիկը, սակայն չէր սպասում, թե այդ ժողովուրդը կարող է իր նիզակը ճոճել»,- այսօր լրագրողների հետ հանդիպման ժամանակ հայտարարեց Մարքսիստական կուսակցության նախագահ Դավիթ Հակոբյանը:

Ըստ նրա` Կենտրոնական ընտրական հանձնաժողովը ոչ թե դեմոկրատիայի պահապանն է, այլ կառափնարանը: 

«Ես հարգում եմ Րաֆֆի Հովհաննիսյանին, սակայն եթե նա չկարողանա հավաքել մնացած ուժերին, ապա ոչինչ չի փոխվի»,- նշեց նա` հավելելով նաեւ, որ ինքը չեզոք դիրքում է:

Հակոբյանը  համարում է, որ այլեւս անհնար է կառավարել հին ձեւով, եւ «եթե չձեւավորվի նոր տնտեսական քաղաքականություն, ապա ոչ մի բանի չենք հասնի»:

Իսկ Նիկոլ Փաշինյանի` արտաքաղաքական կառույցներ ստեղծելու գաղափարը Դավիթ Հակոբյանը առնվազն հիմարություն է համարում: