Արտագաղթածների հաշվին Սերժ Սարգսյանը ''հաղթեց''

Ազատության հրապարակում ընթացող հանրահավաքի ժամանակ ելույթ ունեցավ «Ժառանգություն» կուսակցության անդամ Ռուբեն Հակոբյանը: Նա նշեց, որ միջազգային դիտորդների զեկույցները չեն կարևոր, այլ ժողովրդի տվածը:

Նրա խոսքերով` հավանական չէ, որ 100 տոկոս մարդ գնա ընտրության և ընտրի Սերժ Սարգսյանին: Ռ. Հակոբյանը նշեց, որ մոտ 500 ընտրատեղամասում քվերակվել է կրկնակի անգամ ավելի շատ, քան այդքան ապրող կա:

Եվ այդ ամենը արվել է հիմնականում գյուղական համայնքներում, որտեղ արտագաղթը շատ է, և արտագաղթողների հաշվին էլ Սերժ Սարգսյանը ստացել է իր 58 տոկոսը:

«Ժառանգության» խմբակցության պատգամավորը նշեց, թե իշխանություններն իրենցից «ողջամիտ» լինել են պահանջում` առաջարկելով մի քանի պորտֆել ստանալ և երկիրը փոխել: Սակայն նրանք այդպես էլ չեն հասկացել, որ իրենց այդ պորտֆելները չեն ուզում:

Ռ. Հակոբյանն իր խոսքը եզրափակեց ժողովրդին հորդորելով համբերատար լինել. «Հավատացեք, որ հաջողության հասնում է կազմակերպված և համբերատար ժողովուրդը»: