ՀՀ վարչապետի հարցը կքննարկվի Մոսկվայո՞ւմ. ''Ժողովուրդ''

«Դիվանագիտական աղբյուրներից «Ժողովուրդին» հայտնի դարձավ որ մարտի առաջին տասնօրյակում Սերժ Սարգսյանն աշխատանքային այցով մեկնելու է Ռուսաստանի Դաշնության մայրաքաղաք Մոսկվա:

Թերթը Հայաստանի Հանրապետության նախագահի մամուլի խոսնակ Արմեն Արզումանյանից հետաքրքրվել է, թե որքանո՞վ է հավաստի տեղեկությունը:

Ի պատասխան՝ Ս. Սարգսյանի մամուլի քարտուղարը փոխանցեց. «ՀՀ նախագահի այցերի մասին ՀՀ նախագահի աշխատակազմի հասարակայնության և տեղեկատվության միջոցների հետ կապերի վարչությունը պատշաճ կարգով և ժամանակին տեղեկացնում է»»,- գրում է «Ժողովուրդ» օրաթերթը և հիշեցնում, որ Ս. Սարգսյանի վերընտրության առթիվ ՌԴ նախագահ Վլադիմիր Պուտինն առաջինը շնորհավորեց նրան, ու հավանաբար ՌԴ-ում կքննարկվի ՀՀ ապագա վարչապետի հարցը: