Սերժ Սարգսյանի վստահված անձն ուղղորդել է ընտրողներին

Գյումրիում Սերժ Սարգսյանի վստահված անձը մտել է քվեախցիկ եւ մի քանի անձանց ուղղորդել, թե ում ընտրեն. հաղորդում է «Քաղաքացիական հասարակության ինստիտուտ» ՀԿ-ն: Դեպքը կազմակերպության դիտորդի կողմից արձանագրվել է ժամը 12։15-ին` Գյումրու թիվ 34/27 ընտրատեղամասում:

Դրանից բացի` ժամը 12։00-ին Երևանի թիվ 4/11 ընտրատեղամասում Րաֆֆի Հովհաննիսյանի վստահված անձը դիտորդին հայտնել է, որ ընտրատեղամասի առաջին հարկում մի կին է եղել, ով ինչ-որ ցուցակով ներկա-բացակա է արել քվեարկության եկողներին: Վստահված անձի միջամտությամբ նրան տեղամասից հեռացրել են:

Իսկ Երևանի թիվ 13/38 ընտրատեղամասում ժամը 11։38-ին ՔՀԻ դիտորդին Րաֆֆի Հովհաննիսյանի վստահված անձ Ամալյա Հարությունյանը հայտնել է, որ մի քաղաքացի քվեարկել է վրացական անձնագրով եւ մինչ փորձել են ճշտել՝ նա ՀՀ քաղաքացիություն ունի՞, թե՞ ոչ, անձն արդեն քվեարկած եւ հեռացած է եղել:

Աղբյուրը` www.hra.am