Պարտավոր էինք հաղթել. Սարկիսով

Հայաստանի ազգային հավաքականի  և Նիժնի Նովգորոդի «Վոլգա»-ի հարձակվող Արթուր Սարկիսովը նույնպես միացել է իր ակումբին և անցկացրել վերջին պարապմունքը չեխական «Բաումիտ-Յաբլոնեց»-ի հետ ստուգողական հանդիպումից առաջ:

Ֆուտբոլիստը խոսել է նաև Հայաստան-Լյուքսեմբուրգ խաղի և նորեկների մասին:

«Կարծում եմ՝ Լյուքսեմբուրգի հետ խաղն անհաջող էր մեզ համար, քանի որ պարտավոր էինք հաղթել: Հիմա հավաքականում կան նորեկներ, եւ առաջին խաղում նրանց մոտ նկատվեց հուզմունք, ինչն անդրադարձավ նաեւ խաղի վրա: Բայց տղաները պայքարում էին եւ չեմ կարող ասել, որ կոպիտ սխալներ թույլ տվեցին: Վստահ եմ` նրանց համար ամեն ինչ առջեւում է, եւ նրանք կկարողանան ուժեղացնել Հայաստանի հավաքականը»-հարձակվողի խոսքերն է մեջբերում ակումբի  պաշտոնական կայքը: