Հայաստանն ավելի ուժեղ է, քան Վրաստանը եւ Ադրբեջանը. Հոլց

Լյուքսեմբուրգի հավաքականի գլխավոր մարզիչ Հոլցը Հայաստանի հետ խաղից հետո ներկայացրեց իր տպավորությունները:

«Գոհ եմ այս խաղից: Խաղից առաջ վնասվածք ստացած 4 ֆուտբոլիստ ունեինք: Կարող էինք 2-րդ գնդակն էլ խփել, բայց չստացվեց: Ընդհանուր առմամբ լավ խաղ էր: 

Խաղադաշտի վատ որակն ավելի ձեռնտու էր մեզ, քանի որ Հայաստանը տեխնիկապես լավ էր պատրաստված եւ նման դաշտում նրանց համար դժվար էր: Մրցակցի կազմում հանդես էին գալիս այնպիսի լավ պատրաստված խաղացողներ, ինչպիսին է Մխիթարյանը:

Մենք նախկինում հանդիպել ենք Վրաստանի հետ, առաջիկայում էլ կմրցենք Ադրբեջանի հետ, բայց կարծում եմ, որ Հայաստանի այս թիմն ավելի ուժեղ է»,- Հոլցի խոսքերն է մեջբերում armsport.am-ը: