Քերին որդեգրել է նախորդների քաղաքականությունը

Քաղաքագետ Գարիկ Քեռյանի կարծիքով`  Ջոն Քերիի կողմից ԱՄՆ պետքարտուղարի պաշտոնի ստանձնումը որևէ էական ազդեցություն չի թողնի հայ-ամերիկյան հարաբերությունների վրա:

Ըստ նրա` թեև Քերին միշտ էլ հանդես է եկել իր հայամետ դիրքորոշմամբ, սակայն  ինչպես ԼՂՀ հարցի կարգավորման, այնպես էլ հայ-թուրքական հարաբերությունների վերաբերյալ  իր նախորդների դիրքորոշումն է որդեգրել:

Քաղաքագետի կանխատսումներով` Քերիի պաշտոնավարման շրջանում՝ ամռանը կամ աշնանը,  հնարավոր է` Մինսկի խմբի անդամ պետությունները Հայաստանին վերաբերող  նոր դիրքորոշում ընտրեն, և ի վերջո, նոր փաստաթուղթ դրվի բանակցային  սեղանին:

Անդրադառնալով Ցեղասպանության ճանաչման խնդրին` Քեռյանը նշեց, որ մենք պետք է ձերբազատվենք այն միամիտ և պարզունակ մտքից, որ որևիցե պետություն կարող է Ցեղասպանության ճանաչման հարցում ինչ-որ որոշում ընդունել` առանց հաշվի առնելու սեփական շահերը: