Սահակաշվիլին վերջին անգամ ելույթ կունենա խորհրդարանում

Վրաստանի նախագահ Միխեիլ Սահակաշվիլին ամենամյա զեկույցով փետրվարի 8-ին վերջին անգամ, որպես նախագահ, ելույթ կունենա խորհրդարանում:

Զեկույցի քննարկման ձեւաչափի վերաբերյալ խորհրդակցությունները խորհրդարանական մեծամասնության եւ փոքրամասնության միջեւ դեռեւս շարունակվում են, վերջնական որոշումը կկայացվի փետրվարի 5-ին. տեղեկացնում է Apsny.ge-ն:

Ըստ կայքի` այդ օրը խորհրդարանի առջեւ կհավաքվեն Սահակաշվիլիի ընդդիմախոսները, որոնք համարում են, որ նրա` ներկայումս պաշտոնում գտնվելը օրինական չէ, քանի որ նրա լիազորությունների ժամկետը լրացել է հունվարի 20-ին: Նրանք մտադիր են փակել խորհրդարանի մուտքը եւ չթույլատրել, որ Սահակաշվիլին շենք մտնի: