ՀԱՊԿ պատվիրակությունը կայցելի ՄԱԿ-ի կենտրոնական գրասենյակ

ՀԱՊԿ պատվիրակությունը,կազմակերպության գլխավոր քարտուղարի տեղակալ Վալերի Սեմերիկովի գլխավորությամբ, կայցելի ՄԱԿ-ի նյույորքյան գրասենյակ. տեղեկանում ենք ՀԱՊԿ պաշտոնական կայքից:

Հունվարի 21-25-ը տեւող այցի ընթացքում ծրագրված են  խորհրդակցություններ ՄԱԿ-ի խաղաղության ապահովման գործողությունների դեպարտամենտի ներկայացուցիչների հետ: Խորհրդակցություններն անցկացվում են 2012 թ. սեպտեմբերի 28-ին ՀԱՊԿ եւ ՄԱԿ-ի վերոհիշյալ դեպարտամենտի միջեւ ստորագրված հուշագրի համաձայն:

Այցի ընթացքում Վալերի Սեմերիկովը կհանդիպի նաեւ ՄԱԿ-ի գլխավոր քարտուղարի տեղակալների, քարտուղարության կառուցվածքային ստորաբաժանումների ղեկավարների հետ եւ կքննարկի հրատապ խնդիրներ` կապված Աֆղանստանում իրադրության, ահաբեկչության եւ ծայրահեղականության դեմ պայքարի, հակամարտություններին, բնական եւ տեխնածին աղետներին զոհ դարձած պետությունների բնակչությանը մարդասիրական օգնություն ցուցաբերելու հետ: