Աշոտյանը Րաֆֆի Հովհաննիսյանին հասկացնում է` դեռ շատ հաց ու պանիր պետք է ուտես

ԿԳ նախարար Արմեն Աշոտյանը ֆեյսբուքյան իր էջում գրել է.

«Րաֆֆի Հովհաննիսյանի այսօրվա հայտարարությունները նախկինների ռեմիքս էին հիշեցնում: Իհարկե, անհանգստացնող է այն փաստը, որ քարոզարշավը չմեկնարկած, ընդդիմադիր հիմնական թեկնածուներից մեկը սկսում է կրկնվել: Հուսամ, դա ոչ թե ստղեծագործական մտքի և քաղաքական երևակայության պակասի հետևանք է, այլ ընդամենը չհաջողված քաղաքական հնարք:

Ռեմիքս անելով նախկինում մի քանի անգամ հնչեցրած "հատնի 15 կետերը", ՀՀ Նախագահի տվյալ թեկնածուն համառորեն չի տեղեկացվում իր թիմակիցների կողմից, որ դրանց քանիցս անդրադարձել են ըստ ոլորտների պատասխանատու իշանության ներկայացուցիչները: Միայն ես 3 անգամ, որից 2-ը ԱԺ-ում, առիթ եմ ունեցել խոսել կրթության ոլորտում ՐաֆՖի Հովհաննիսյանի առաջարկությունների , մեղմ ասած, հակաօրինական լինելու մասին (օրինակ` այստեղ`http://www.parliament.am/transcript.php?day=14&month=11&year=2012&lang=arm)

Ըստ իս, ՀՀ Նախագահի թեկնածուն, հարգելով ՀՀ օրենքներն ու Սահմանադրությունը, չպետք է, իրեն վեր դասի գործող օրենսդրական դաշտից: Կամ էլ, ժամանակին լինելով ԱԺ պատգամավոր, փորձեր աչքի ընկնել այսպես կոչված հավասար դաշտ ստղծելուն միտված օրենսդրական նախաձեռնություններով:

Մի խոսքով, իհարկե Րաֆֆի Հովհաննիսյանը ՀՀ Նախագահի թեկնածու է, սակայն մինչև Սերժ Սարգսյանի հետ բանավեճի հասնելը, կարծում եմ, պետք է անցնի ՀՀԿ-ականների հետ հրապարակային բանավեճի թոհուբոհով, ինչը բխում է իր իսկ շահերից:

Ես պատրաստ եմ լինել իր սպարրինգ-գործընկերը»: