Վտանգավոր Ապոֆիս երկնաքարը մոտենում է երկրագնդին

Այսօր Ապոֆիս երկնաքարը կանցնի Երկրի մոտով` 14,46 մլն կմ հեռավորության վրա: Այս անգամ երկնային մարմինը վտանգ չի ներկայացնի մեր մոլորակի համար, սակայն 2029 թվականին այն շատ մոտ կլինի մեզ` ընդամենը 36 հազար կմ հեռու, այսինքն` Երկրի ստացիոնար արբանյակների բարձրության վրա. տեղեկացնում է rosbalt-ը:

NASA-ի գիտնականները չեն բացառում, որ ավելի փոքր երկնաքարեր, որոնք «ուղեկցում են» Ապոֆիսին, կարող են մտնել երկրագնդի մթնոլորտ կամ բախվել արբանյակների հետ: Սակայն շատ ավելի վտանգավոր կլինի, եթե Երկրի ձգողականությունը փոխի երկնաքարի հետագիծը, եւ իր հաջորդ` 2036 թվականի այցի ժամանակ այն բախվի երկրագնդին:

Երկնաքարի տեղաշարժին հետեւելու նպատակով ռուսաստանցի գիտնականները ծրագրում են 2020 թվականից հետո հատուկ սարք արձակել տիեզերք, որը հնարավորւթյուն կտա ավելի ճշգրիտ հաշվարկելու երկնաքարի ուղեծիրը եւ Երկրի ձգողականության ազդեցությունը դրա վրա:

Երկնաքարի այսօրվա «այցին» կարելի է հետեւել slooh.com կայքում: