Կարեն Ջանիբեկյանն Ամանորին կնոջը ննջասենյակի կահույք է նվիրել

«Մեզ համար Ամանորը ընտանեկան տոն է եւ այն սովորաբար նշում ենք տանը: Այս տարի նույնպես Ամանորն անցկացրինք տանը` միասին»,- Yerkir.am-ի հետ զրույցում ասաց դրամատուրգ Լիանա Անթառանյանը /Հայաստանի ժողովրդական արտիստ, հայտնի դերասան Կարեն Ջանիբեկյանի տիկինը/:

Անթառանյանը նշեց, թե չի ընդունում այն երեւույթը, որ մարդիկ պարտք են անում` Ամանորը տոնելու համար: Ըստ նրա` Ամանորի սեղանը պետք է լինի ոչ թե ճոխ, այլ առատ: «Ես, օրինակ, մեկ-երկու տեսակի աղցան եմ պատրաստել, բայց մեծ քանակով»,- ասաց նա:

Քանի որ նորաստեղծ ընտանիք են, անհատական նվերներ չեն մատուցել իրար: Անթառանյանը նշեց, որ Ջանիբեկյանն Ամանորից առաջ ննջասենյակի կահույք էր գնել, իսկ ինքը` մի «հրաշագործ» կաթսա, որում էլ պատրաստել է ամանորյա թանով իշլի քյուֆթան. «Սրանք էլ մեր տոնական նվերներն էին»:

Անթառանյանը նշեց նաեւ, որ ավելի շատ սիրում է տոնել Սուրբ Ծնունդը` հետեւելով նաեւ եկեղեցական ծիսակատարություններին: