Սերժ Սարգսյանի հեռանալուց հետո ՀՀԿ-ական պատգամավորներն իրար ծեծել են

168.am-ին հայտնի է դարձել, որ երեկ Արարատի մարզպետ Էդիկ Բարսեղյանին պատկանող, Մասիս քաղաքում գտնվող «Ռենեսանս» ռեստորանում ՀՀԿ խմբակցության անդամների մասնակցությամբ ծեծկռտուք է տեղի ունեցել:

Ըստ թերթի աղբյուրների` ՀՀԿ-ական պատգամավոր Մուրադ Մուրադյանը մեկ այլ ՀՀԿ-ական պատգամավոր Վահրամ Բաղդասարյանի ուղղությամբ զեյթուն է նետել, ինչին վերջինս պատասխանել է` պղպեղ նետելով: Դա ուղեկցվել է փոխադարձ հայհոյանքներով:

Վեճը թեժացել է այն աստիճան, որ Մուրադ Մուրադյանը կանչել է իր մտերիմներին, և նրանք` մոտ 30 հոգով դաժան ծեծի են ենթարկել Վահրամ Բաղդասարյանին: Թերթի տեղեկություններով` Բաղդասարյանի վիճակը այնքան ծանր է, որ նա չի կարողանում խոսել անգամ մտերիմների հետ:

Նշենք, որ ՀՀԿ-ականների այդ ամանորյա կերուխումին մասնակցել է նաև նախագահ Սերժ Սարգսյանը, սակայն ծեծկռտուքը տեղի է ունեցել նրա հեռանալուց հետո:

Ավելին կարդացեք 168.am- ում: