|
Փոխարժեքներ
18 11 2026
|
||
|---|---|---|
| USD | ⚊ | $ 360.51 |
| EUR | ⚊ | € 396.13 |
| RUB | ⚊ | ₽ 4.3703 |
| GBP | ⚊ | £ 475.51 |
| GEL | ⚊ | ₾ 138.98 |
Ծայրահեղական «Անսար ադ դին» («Կրոնի պաշտպաններ») խմբավորումը, որը սերտորեն համագործակցում է «Ալ Քաիդա»-ի հետ, այսօր սկսել է ոչնչացնել հյուսիսային Մալիի Տիմբուկտու քաղաքի` դեռեւս կանգուն մահմեդական հուշարձանները. տեղեկացնում է ИТАР-ТАСС-ը:
«Ոչ մի դամբարան Տիմբուկտուում չի մնա: Ալլահին դրանք դուր չեն գալիս: Մենք պատրաստվում ենք հողին հավասարեցնել քաղաքի բոլոր սրբավայրերը»,- հայտարարել է խմբավորման ներկայացուցիչը:
Տիմբուկտուն հիմնվել է 9-րդ դարում` Մարոկկոյից Արեւմտյան Սուդան տանող առեւտրային ճանապարհին եւ մինչեւ 20-րդ դարը տրանսասահարային առեւտրի կարեւրագույն հանգույց էր, նաեւ Հյուսիսարեւմտյան Աֆրիկայի մշակութային կենտրոն: Սրբերի 333 դամբարաններից 16-ը ՅՈՒՆԵՍԿՕ-ի համաշխարհային ժառանգության ցուցակում են: