Ահաբեկչության փորձ Ալմաթիում. ծայրահեղականները ձերբակալվել են

Ազգային անվտանգության կոմիտեի աշխատակիցներն Ղազախստանի խոշորագույն քաղաքներից մեկում՝ Ալմաթիում, ձերբակալել են 2 ծայրահեղական խմբավորման անդամների, ովքեր ահաբեկչություններ էին նախապատրաստել մարդկանց զանգվածային կուտակման վայրերում. այս մասին հայտնում է Yerkir.am-ը՝ ՌԻԱ «Նովոստի»-ին հղումով:

Նշվում է՝ ձերբակալությունը կատարվել է փետրվարի 14-ին և դատարանի որոշմամբ նրանք կալանավորվել են։

Ծայրահեղականների բնակության վայրում կատարված քննչական գործողությունների ընթացքում առգրավվել է ինքնաշեն պայթուցիկ սարք՝ խոցող տարերով, բաղադրիչներ՝ դրա պատրաստման համար նախատեսված, սառը զենք, սմարթֆոններ՝ հարձակման ենթադրյալ օբյեկտների լուսանկարներով ու տեսանկարահանումներով։

Հարուցվել են քրեական գործեր՝ ահաբեկչական գործողության նախապատրաստման և ահաբեկչության քարոզման փաստերով: