Ֆրանսիայում կառավարության անդամները հարկային ստուգման են ենթարկվում

Ֆրանսիայում կառավարության բոլոր անդամները հարկային ստուգման են ենթարկվում: Նախաձեռնությունը բյուջեի պլանավորման նախարար Ժերոմ Կաուզակինն է. տեղեկացնում է France Internationale ռադիոկայանը:

Միաժամանակ, նախարարը հերքել է ավելի վաղ ԶԼՄ-ներում հայտնված տեղեկությունը, թե հարկային մարմինները հետաքննում են հենց իր հաշիվները` շվեյցարական բանկում մինչեւ 2010 թվականը ունեցած հաշվի կապակցությամբ: Նախարարը խոստացել է դատի տալ զրպարտիչ ԶԼՄ-ներին:

Կաուզակը նշել է, որ կառավարության անդամների ստուգումը պլանային է: «Մենք ցանկանում ենք համոզվել, որ վարչակազմի յուրաքանչյուր անդամի մոտ ամեն ինչ կարգին է: Ոչ մի հատուկ ստուգում որեւէ մեկի նկատմամբ չի կատարվում»,- ասվում է նախարարության հայտարարության մեջ:

Այսօր մի շարք ֆրանսիական լրատվամիջոցներ գրել են, թե նախագահ Ֆրանսուա Հոլանդը ցանկանում է փոփոխություններ կատարել կառավարությունում: Պաշտոնից հեռացվելու կամ այլ պաշտոնի տեղափոխվելու թեկնածու է  նաեւ Կաուզակը:

Հասարակության մեծ հետաքրքրությունը գործարարների, հայտնի մարդկանց եւ կառավարության անդամների հարկերի նկատմամբ պայմանավորված է հաջորդ տարի մտցվող հարկով, որը նախատեսում է 75 տոկոս հարկում 1,3 մլն եվրոն գերազանցող եկամուտների դեպքում: