Ուրախ եմ, որ ընդգրկվել եմ թեկնածուների ցուցակում.Վանիկ Ավետիսյան

Ծաղկաձորի մարզաբազայում այս օրերին ուսումնամարզական հավաքներ են անցկացնում հունահռոմեական ոճի ըմբշամարտի մեծահասակների հավաքականը, ազատ ոճայինների պատանիների և երիտասարդների ընտրանիները, ինչպես նաև ծանրամարտի մեծահասակների հավաքականը:

Yerkir.am-ի հետ զրույցում համաշխարհային ուսանողական խաղերի բրոնզե մեդալակիր 69 կգ քաշային Վանիկ Ավետիսյանը, ով ներկայացված է տասը լավագույն մարզիկների անվանակարգում, նշեց, որ շատ է կարևորում հարցումը:

«Ես իհարկե լուրջ եմ վերաբերվում այդ հարցմանը և շատ ուրախ եմ, որ ընդգրկվել եմ թեկնածուների ցուցակում: Նաև հուսով եմ համալրել 10-ը լավագույնների շարքը` չնայած, որ չէի սպասում: Շանսերը գնահատել չեմ կարող, քանի որ տեղյակ չեմ, ովքեր են նոմինացված, բայց ենթադրում եմ, որ մեր հավաքականից լուրջ հաջողությունների հասած մարզիկներ կան»,-նշեց ծանրորդը:

Հիշեցնենք, որ լրագրողների ֆեդերացիան պաշտոնապես հրապարակել է 2012 թվականի Հայաստանի լավագույն մարզիկների հավակնորդների ընդլայնված ցուցակը եւ լավագույն թիմերի անունները: 

Անվանացանկն՝ այստեղ: