Լրտես Լիտվինենկոյի սպանության մասին ֆիլմ կնկարահանվի

Ամերիկյան Warner Bros. կինոընկերությունը  բանակցություններ է  վարում ռեժիսոր Ռուպերտ Ուայթի հետ` Անվտանգության դաշնային ծառայության գործակալ Ալեքսանդր Լիտվինենկոյի սպանության մասին ֆիլմ նկարահանելու կապակցությամբ. գրում է Deadline կինոընկերության բլոգը:

Լիտվինենկոյի դերը, ամենայն հավանականությամբ, վստահվելու է դերասան Մայքլ Ֆասբենդերին, ով վերջին շրջանում խաղացել է «Անփառունակ հիմարներ» եւ «X մարդիկ» ֆիլմերում: Ֆիլմի պրոդյուսերներից մեկը լինելու է հանրահռչակ դերասան Ջոնի Դեպը:

Լիտվինենկոն 2000 թվականին փախել էր Բրիտանիա, իսկ 2006 թվականի նոյեմբերի 23-ին մահացել էր` անմիջապես այն բանից հետո, երբ ստացել էր Բրիտանիայի քաղաքացիություն: Մահից հետո փորձագետները նրա օրգանիզմում հայտնաբերել էին մեծ քանակությամբ պոլոնիում: