Բժշկի ձեռագրի պատճառով հիվանդի վիճակը բարդացել է

Բժշկի անհասկանալի ձեռագրի պատճառով հիվանդանոցը պարտավորվել է տուգանք վճարել: Ռուսաստանի Օմսկի շրջանում նույնիսկ դատական փորձագետները չեն հասկացել բժշկի ձեռագիրը եւ չեն կարողացել կարդալ հիվանդի ախտորոշումը: Անընթեռնելի ձեռագրի հետեւանքով հիվանդի վիճակը ծանրացել է:

Ծննդաբերությունից հետո 33-ամյա կնոջ մոտ բարդություններ են ի հայտ եկել` կապված կույր աղիքի հետ, սակայն քանի որ բժշկի նշանակած ախտորոշումն անհասկանալի է եղել, մյուս մասնագետներն այլ բուժում են նշանակել, եւ կինը հայտնվել է վերակենդանացման բաժանմունքում:

Քրեական գործ է հարուցվել: Օմսկի դատարանի դատավճռի հիման վրա` հիվանդանոցից բռնագանձվել է 100 հազար ռուբլի. հաղորդում է vesti.ru-ն: