Պաշտոնանկությունները խմբակային շահերով են պայմանավորված

«Ժառանգություն» խմբակցության քարտուղար Լարիսա Ալավերդյանը միմյանց հաջորդող պաշտոնանկությունները «ներխմբային շահերով» է պայմանավորում: «Այդ խմբային շահը ոչ մի կերպ չի վերաբերվում հասարակական շահին, դա վերաբերում է այդ խմբի մեջ այնպիսի փոփոխություններ մտցնելուն, որոնցով ավելի կհստակեցվի այսօրվա իշխանակազմի, այո’, իշխանակազմի եւ ոչ իշխանության վերարտադրության քաղաքականությունը»,- ասաց նա:

Նա խուսափեց հավանական թեկնածուի շուրջ կանխագուշակումներ անել: «Փորձը ցույց է տալիս, որ ես լավ կանխատեսող չեմ: Ես ղեկավարվում եմ հասարակական շահի տեսակետից բխող չափանիշներից, իսկ իրականում դա լինում է խմբային շահի արդյունք, դրա համար չեմ ուզում որեւէ կանխատեսում անել»,- ասաց պատգամավորը: