Զինաթափվում ենք

Երեկ առավոտյան ոստիկանության Երևան քաղաքի վարչության հերթապահ մաս է զանգահարել մի քաղաքացի և հայտնել, որ Նանսենի փողոցի թիվ 16 շենքի մոտ գտնվող աղբարկղի մոտ զենք-զինամթերք է թողնում: Նշված վայր մեկնած օպերատիվ խումբը հայտնաբերել է որսորդական հրացան, «Ֆ-1» տիպի 1 նռնակ` կոռոզիայի ենթարկված պայթուցիչով, 1 ուսումնական նռնակ և «ԱԿ» ինքնաձիգի 121 փամփուշտ. 

Նույն օրը երեկոյան մեկ այլ քաղաքացի ևս զանգահարել եւ հայտնել է, որ Լենինգրադյան փողոցից դեպի Նոյ թաղամաս տանող ճանապարհին գտնվող կիսակառույց շենքում ինքնաձիգ և փամփուշտներ է թողնում: Օպերատիվ խումբը նշված վայրում հայտնաբերել է «ԱԿՄ» ինքնաձիգ` դատարկ պահունակով, 2 նռնակ` առանց պայթուցիչների, տարբեր տրամաչափի 145 փամփուշտ և 2 պայթուցիչ:

Հայտնաբերված զենք-զինամթերքն ուղարկվել է փորձաքննության: Կատարվում է հետաքննություն: