ԱԺ ամբիոնից Վրաստանին նեղացնել չի կարելի

ԱԺ ջավախքցի պատգամավոր Շիրակ Թորոսյանը կառավարության հետ հարցուպատասխանի ժամանակ անդրադարձավ Վրաստանի նախագահ Միխեիլ Սահակաշվիլիի ` Հայաստանի մասին արած հայտարարություններին: Պատգամավորը, մասնավորապես, հիշեցրեց, որ հարեւան երկրի նախագահի հայտարարել էր, թե Տավուշի մարզում տեղի ունեցած սողանքն իրենց մոտ եթե լիներ, երկու ժամում տարածքը կմաքրվեր:

Վարչապետ Տիգրան Սարգսյանն ի պատասխան նշեց, որ ԱԺ ամբիոնից նման հայտարարություններ անելը ճիշտ չէ, եւ մինչև որևէ մեկնաբանության տալը պետք է մանրակրկիտ ուսումնասիրել հարևան երկրի նախագահի հայտարարությունը։ Վարչապետի խոսքերով` նման հայտարարությունները չեն նպաստում հայ-վրացական բարեկամական հարաբերությունների ամրապնդմանը, իսկ կառավարությունն անում է ամեն ինչ` հարևան երկրի հետ մեր հարաբերությունները զարգացնելու համար:

Արձագանքելով  վարչապետի պատասխանին՝  Շիրակ Թորոսյանը նշեց է, որ հավասարակշռությունն ու կոռեկտությունը պետք է երկկողմանի լինեն: