Իսրայելական պարբերական. Վանը հայկական քաղաք է եղել

Հոկտեմբերի 24-ին Իսրայելի հեղինակավոր` «Վերջին տեղեկատվություն» պարբերականում հոդված է տպագրվել Վանում տեղի ունեցած երկրաշարժի վերաբերյալ, որում հեղինակը` Դանեիլ Բատինին, նաեւ նշել է, որ Վանը հայկական քաղաք է եղել. տեղեկացնում է gisher.ru-ն:

Բացի այդ` հոդվածին կից քարտեզ է եղել, որում Ադրբեջանը եւ Վրաստանը ներկայացված են որպես Հայաստանի տարածք:

Իսկ 89.1 Fm ռուսալեզու ռադիոկայանի հաղորդավարը, մամուլի տեսության ժամանակ անդրադառնալով այդ քարտեզին, ծիծաղելով ասել է, որ հայտնի է, թե ինչու են Ադրբեջանն ու Վրաստանը դարձել Հայաստանի մաս. «Մենք գիտենք, որ ժամանակին Հայաստանը շատ մեծ է եղել, սակայն ներկայումս այն փոքր է, քանի որ նրա տարածքի զգալի մասը ներկայումս Թուրքիայի մաս է կազմում»:

Ներկայացված քարտեզում կարմիրով ընդգծված է «Հայաստան»-ը: