Ինչպիսի՞ն կլինի "տրամաբանական ավարտը"

ՀՀԿ գործադիր մարմնի երեկվա նիստի ժամանակ քննարկվել են ներքաղաքական խնդիրներ, քննարկումները շարունակվում են. «Երկիր»-ի հետ զրույցում ասաց ՀՀԿ մամլո խոսնակ Էդուրադ Շարմազանովը:

Երբ փորձեցինք ճշտել մամուլում հրապարակված բազմաթիվ տեղեկություններն այն մասին, թե նիստի ժամանակ քննարկվել է ԲՀԿ-ի` կոալիցիայից դուրս գալու հարցը, ՀՀԿ մամլո խոսնակը հայտարարեց, որ ավելացնելու այլեւս ոչինչ չունի:

Շարամազանովը նշեց միայն, որ նիստը վարել է նախագահ Սերժ Սարգսյանը, եւ այն տեւել է մոտ մեկ ժամ: Նա չցանկացավ մեկնաբանել նաեւ այն տեղեկությունները, թե ԲՀԿ-ին կողմնորոշվելու մեկ շաբաթ է տրվել:

Շարմազանովը հաստատեց, որ հաջորդ շաբաթ եւս տեղի է ունենալու գործադիրի նիստ, բայց չհաստատեց` ԲՀԿ-ի հարցի հե՞տ է դա կապված, թե՞ ոչ:

«Երբ քննարկումներն ավարտվեն ավելի մանրամասն կխոսենք: Հանրապետականն ամեն ինչ քննարկում եւ տրամաբանական ավարտին է հասցնում»,-նկատեց ՀՀԿ մամլո խոսնակը: