Հուսեյնի նմանակին ստիպում են նկարահանվել պոռնո ֆիլմում

Ըստ եգիպտական «Ալ Ահրամ» թերթի` Իրաքի նախկին առաջնորդին շատ նման Մուհամեդ Բիշրին մի խումբ զինված անձինք բռնությամբ նստեցրել են մեքենա ու տարել անհայտ ուղղությամբ:

Նրա որդին` Մահմուդ Բիշրը, տեղեկացրել է, որ մինչ այդ իր հորն առաջարկել էին նկարահանվել պոռնո ֆիլմում` դրա դիմաց առաջարկելով մոտ 700 հազար ԱՄՆ դոլար: «Սակայն հայրս այդ առաջարկը չընդունեց եւ դրանից հետո պարբերաբար սպառնալիքներ էր ստանում»,- պատմել է նա` հավելելով, որ իրենք սպառնալիքներից ազատվելու համար 4 անգամ փոխել են բնակարանը եւ դիմել ոստիկանություն:

Մահմուդը չի բացառել, որ իր հորն առեւանգողները կարող են ֆիլմ նկարահանել արեւմտյան լրատվամիջոցներին վաճառելու նպատակով:

Հիշեցնենք, որ Սադդամ Հուսեյնը անվտանգության նկատառումներով բազմաթիվ նմանակներ  է ունեցել եւ հաճախ է օգտվել նրանց «ծառայություններից»: