ԺՈՂՈՎՈՒՐԴ. Սերժ Սարգսյանի մոտ՝ խորհրդակցության

Հայաստանի ուժային կառույցների ղեկավարները շաբաթ կամ կիրակի կհավաքվեն Սերժ Սարգսյանի մոտ՝ խորհրդակցության:

«Ժողովուրդ»-ի տեղեկություններով՝ Սերժ Սարգսյանը պատրաստվում է ՀՀ ԱԱԾ տնօրեն Գորիկ Հակոբյանի, ոստիկանապետ Ալիկ Սարգսյանի, գլխավոր դատախազ Ազվան Հովսեփյանի, ՀՀ պաշտպանության նախարար Սեյրան Օհանյանի եւ մյուս ուժային կառույցների ղեկավարների հետ քննարկել վերջին իրադարձությունները:

Թե ի՞նչ ֆորմատով կլինի հանդիպումը, թերթին չի հաջողվել պարզել: Չի բացառվում հանդիպման ե'ւ գաղտնի, ե'ւ հրապարակային ձեւաչափը: Բայց հանդիպման կարեւորության եւ դրան հաջորդող զարգացումների մասին կարելի է տարաբնույթ եզրահանգումներ անել՝ հաշվի առնելով ոստիկանություն-դատախազություն-ԱԱԾ խմորումների հերթական փուլի մեկնարկը, որն արդեն տրված է: