Երկնքից երեք խնձոր ընկավ

Այսօր կմեկնարկի «Երկնքից երեք խնձոր ընկավ» հեքիաթասացության և բարբառի երրորդ մրցույթ-փառատոնը, որի շրջանակներում Հայաստանի տարբեր մարզերից մոտ 22 մասնակից իր բարբառով հեքիաթներ կպատմի: Փառատոնը կանցկացվի Հովհաննես Թումայանի տուն-թանգարանում: Այն կմեկնարկի ժամը 19-ին:

Ինչպես yerkir.am-ին տեղեկացրեց թանգարանի տնօրեն Նարինե Թուխիկյանը, այս տարի մասնակիցներ կան բոլոր մարզերից, բացի Լոռիից. «Երկու երեխա էլ չի մասնակցի փառատոնին. մեկը ոտքն է կոտրել, մյուսն էլ` Վրաստանից չի կարողանում գալ Հայաստան»:

Թուխիկյանը տեղեկացրեց, որ փառատոնի բացումը կանեն թանգարանի թատերախմբի սաները, որոնց ներկայացմանը կմասնակցեն նաեւ նախորդ տարվա փառատոնի հաղթողները:

Փառատոնի հիմնական նպատակն է վերհանել, պահպանել մոռացության մատնված բարբառները: Փառատոնն առաջին անգամ անցկացվել է 2008 թ.: Փառատոնին մասնակցել կարող են առանց տարիքային սահմանափակման բոլոր նրանք, ովքեր սիրում են հեքիաթ պատմել և տիրապետում են բարբառի, քանի որ հեքիաթները պատմվելու են բացառապես բարբառներով: Նախապատվությունը կտրվի ավանդական-ժողովրդական հեքիաթին: Պատմվելիք հեքիաթի տևողությունը մինչև 7 րոպե է:

Փառատոնի արդյունքները կամփոփվեն սեպտեմբերի 25-ին: