Քչություն է արել

Պարզվում է` տարեկան գործուղումների համար նախատեսված 300 մլն դրամն ու պատվիրակությունների ընդունելությունների համար նախատեսված 150 մլն դրամը մեր պաշտոնյաներին մինչեւ տարեվերջ չի բավականացրել: Ֆինանսների նախարարությունը դիմել է կառավարությանը` պետական կառույցների բնականոն գործունությունն ապահովելու նպատակով մինչեւ տարեվերջ լրացուցիչ գումարներ հատկացնելու խնդրով: Առաջարկվում է 150 մլն դրամով ավելացնել գործուղման եւ 70 մլն-ով` պատվիրակությունների ընդունելության համար նախատեսված ծախսերը:

ՀՀ ֆինանսների փոխնախարար Պավել Սաֆարյանը կառավարության անդամներին այսօր կոչ է արել խնայողաբար մոտենալ եղած միջոցներին: «Նույնիսկ այս ավելացումների պարագայում հարկավոր է պահպանել խնայողության ռեժիմը, որպեսզի մինչեւ տարեվերջ նորից չանդրադառնանք այս հարցին»,- դիմելով ներկաներին` ասել է նա:

Մեր կողմից հավելենք, որ սա ամենեւին էլ զարմանալի չէ, եթե հաշվի առնենք, թե արտերկիր գործուղման մեկնելիս մեր պաշտոնյաներն իրենց ինչ շռայլություններ են թույլ տալիս... Բնականաբար` պետական միջոցների հաշվին: