Գրքի ցուցահանդես-վաճառք` Վանաձոր քաղաքում

Սեպտեմբերի 18-21-ը Լոռու մարզի Վանաձոր քաղաքում կկազմակերպվի պետպատվերով հրատարակված, այդ թվում` գեղարվեստական, ալբոմային, մանկական, հանրամատչելի գրականության ցուցահանդես-վաճառք: Ցուցահանդեսի նպատակն է մարզում ընթերցանության քարոզչությունը, գրքի տարածումը, նաև վաճառքի կազմակերպումը:

Ցուցահանդես-վաճառքը կանցկացվի Վանաձորի մարզային գրադարանում, իսկ պաշտոնական բացումը տեղի կունենա սեպտեմբերի 19-ին:

Այդ օրերին նախատեսվում են հանդիպումներ մարզի գրողների, մտավորականների, աշակերտների և ուսուցիչների հետ: Կկազմակերպվեն նաև գրական ընթերցումներ, կհնչի ասմունք: Հայաստանի ճանաչված գրողներն ու հրատարակիչները հանդիպումներ կունենան նաև Վանաձորի մանկավարժական համալսարանի ուսանողների հետ: