Թուրքերին արտոնություններ տալը նոր Բրեյվիկներ կծնի

Գերմանական Բադեն-Վյուրտեմբերգ երկրամասի ներքին գործերի նախարարությունում մտադիր են հեշտացնել ոստիկանություն ընդունվողների համար նախատեսված գերմաներեն լեզվի քննությունը. տեղեկացնում է Welt-ը: Առաջին հերթին, դա վերաբերում է միգրանտներին, որոնք դժվարանում են հանձնել բարդ թեստը: Ավելին, ապագա ոստիկանների թուրքերենի իմացությունը առավելություն է համարվում:

Ինչպես տեղեկացնում է «Երկրամասը», այս նորամուծությունը լուրջ մտահոգություն է առաջացրել ահաբեկչության հարցերով փորձագետների շրջանում: Նրանք համարում են, որ Եվրոպայի երկրներում, մասնավորապես` Գերմանիայում գնալով ավելի քննադատաբար են վերաբերվում թուրքերին եվրոպական քաղաքակրթությանը արհեստականորեն ինտեգրելուն: Դեպի Եվրոպա թուրքերի շարունակվող միգրացիայի եւ մի շարք եվրոպացի պաշտոնյաների դիրքորոշման ֆոնին, որոնք Թուրքիան Եվրոպայի մաս են համարում, փորձագետները չեն բացառում նոր Անդերս Բրեյվիկների ի հայտ գալը:

Հիշեցնենք, որ նորվեգացի ահաբեկիչ Անդերս Բրեյվիկը, մինչ իր կրկնակի ահաբեկչության իրականացումը, ինտերնետում տարածել էր Եվրոպայի անկախության իր հռչակագիրը, որում նկարագրում էր իսլամից Եվրոպայի ազատագրման ծրագիրը` առանձնահատուկ նշելով Թուրքիայի վնասակար դերը Եվրոպայի մահմեդականացման գործում: