Սփյուռքահայ երիտասարդները՝ Գանձասարում

Գանձասարի Սուրբ Մկրտիչ եկեղեցու շրջակայքում Լեւոն Հայրապետյանի հովանավորությամբ կառուցված շենքը, որն այսուհետ պատկանում է ԼՂՀ կրթության եւ գիտության նախարարությանը, կծառայի որպես ճամբար։

Ժամանակակից պայմաններին համապատասխանող նորաբաց ճամբարում միաժամանակ կարող է հանգստանալ 80 հոգի։

Առաջինները Արցախի ազատամարտիկների միության «Հայրենյաց պաշտպան» երիտասարդական կազմակերպության անդամներն են, ովքեր ճամբարում կանցկացնեն իրենց 7-օրյա հանգիստը։ Սա կազմակերպության 5-րդ ռազմամարզական ճամբարն է: Ի դեպ, արցախցիների հետ հանգստանում են նաեւ 20 սփյուռքահայ երիտասարդներ:

Հաջորդ տարվանից այստեղ հանգստանալու հնարավորություն կունենան նաեւ հանրակրթական դպրոցների ցածր դասարանների աշակերտները։