ՀՐԱՊԱՐԱԿ. Կոմպրոմատներ են հավաքում

Առաջիկա աշնանը թեժ պալքար է սպասվում ոչ միայն ընդդիմություն-իշխանություն ճակատում, այլև հենց իշխանության ներսում: Թերթի տեղեկություններով` ՀՀԿ ցուցակում հայտնվելու մրցավազքն այնքան մեծ է, որ իշխանական որոշ օղակներ սկսել են կոմպրոմատներ հավաքելու բուռն աշխատանքը:

Որոշ իշխանական խմբավորումներ մտադիր են փչացնել և վարկաբեկել մյուսներին, որ սրանց վարկանիշն ընկնի այնքան, որ Սերժ Սարգսյանը «ստավկա» անի իրենց վրա: Մասնավորապես, թերթին հասած հասած տեղեկություններով, կոմպրոմատներ են հավաքվում Արմեն Աշոտյանի, Սամվել Նիկողոսյանի, Էդուարդ Շարմազանովի վրա: Սրանք այն անձինք են, որ ընտրությունների շրջանում պետք է իրենց ուսերին կրեին ՀՀԿ-ի եւ Սերժ Սարգսյանի PR-ն իրականացնելու գործը: Նշված կոմպրոմատներն արդեն հոդվածների տեսք են ստանում եւ շուտով էլեկտրոնային կայքերի կամ թերթերի էջերում կհայտնվեն: