Օբամային կարելի է հետեւել Foursquare-ում

ԱՄՆ նախագահ Բարաք Օբաման սկզբում գրացվել էր Facebook-ում, այնուհետեւ Twitter-ում, այժմ էլ  Foursquare-ում: Ինչպես գրում է TechCrunch-ը, նախագահն իր ավտոբուսային շրջայցի ընթացքում նշելու է, թե որ քաղաքներում է գտնվում:

Նշենք, որ նա երկրի երեք նահանգներում հանդիպումներ է ունենալու քաղաքացիների հետ եւ նրանց հետ խոսելու բյուջետային դեֆիցիտը հաղթահարելու եւ նոր աշխատատեղեր բացելու մասին:

ԱՄՆ բնակիչներն իրենց նախագահի շրջագայությունը կարող են հետեւել Foursquare-ում բացված նոր` WhiteHouse ըքաունթի միջոցով:

Foursquare ցանցը հնարավորություն է տալիս նշել քո գտնվելու վայրը եւ տեղաշարժերը, որոնք կարող են տեսնել ընկերները: