Սեւանում մեկ օրում 3 հոգի են խեղդվել

Երեկ ժամը 13.26-ին ահազանգ է ստացվել, որ ժամը 13.05-ին  «Ծովազարդ» կայանից մոտ 400-500մ հեռավորության վրա հերթապահ ջրափրկարարը նկատել է նավամատույցից Սևանա լիճ նետվող քաղաքացու (հագուստով):

 Ինչպես հայտնում են ՀՀ արտակարգ իրավիճակների նախարարությունից, դեպքի վայր է մեկնել փրկարական ուժերի վարչության հատուկ ջրափրկարարական ջոկատի օպերատիվ խումբը:

 Փրկարարների ուժերով ջրից դուրս է բերվել և շտապօգնության աշխատակիցներին հանձնվել Երևան քաղաքի Արցախի փողոցի 2-րդ նրբ. թիվ 12 տան բնակիչ, 1993թվականին ծնված Արսեն Ասլիկյանի  դին:

 Նույն օրը`ժամը 16.10-ին, Սևանա լճի Ախթամար թերակղզու ՀՋՋ «Հյուսիսային» կայանի հերթապահ ջրափրկարարը մոտ 500-600մ հեռավորության վրա` հանգստացողների շրջանում, նկատել է խուճապ. տեղում պարզվել է, որ մի խումբ երեխաներ փնտրում են իրենց ընկերոջը, որը, հնարավոր է` ջրահեղձված լինի: 

 Դեպքի վայր է մեկնել փրկարական ուժերի վարչության հատուկ ջրափրկարարական ջոկատի օպերատիվ խումբը և փրկարարների ուժերով ջրից դուրս է բերվել և շտապօգնության աշխատակիցներին հանձնվել Երևան քաղաքի Ավան վարչական շրջանի 7-րդ փողոցի բնակիչ, 1996թվականին ծնված Վարդան Բաբայանի  դին:

Իսկ ժամը 17.41-ին, Լճաշեն գյուղի հարակից ‘’Շահենի մոտ’’ լողափում ջրահեղձվել է Արարատի մարզի Բաղրամյան գյուղի բնակիչ, 1988թվականին ծնված Էդգար Մնացականյանը: