ԱՌԱՎՈՏ. Գերանդին` կանացի փխրուն ձեռքերում

Թեեւ հուլիսի երկրորդ կեսն է, սակայն Տավուշի մարզի գյուղերում դեռեւս խոտհունձն ավարտված չէ: Սահմանամերձ Կիրանցը թեեւ ցածրադիր գոտում է, սակայն այնտեղ խոտհնձի աշխատանքները դեռ ընթացքի մեջ են:

Գյուղի միջով ձգվող միջպետական ճանապարհից տեսանելի է, որ  Կիրանցում գերանդի են վերցրել նաեւ կանայք: Մինչդեռ  գերանդիով խոտհունձ կատարելը շատ ծանր, տղամարդկային գործ է: Նման բան եղել է Հայրենական մեծ պատերազմի տարիներին, երբ գյուղում այր քիչ էր մնացել, գրեթե բոլոր տղամարդիկ ռազմաճակատում էին:

Հիմա պատերազմում հերոսաբար դիմակայելուց հետո Կիրանցը դատարկվում է սոցիալական խնդիրների պատճառով: Այսօր Կիրանցում մոտ 250 մարդ է ապրում: