ՌԴ-ի խախտումները Սիրիայում հրադադարն ավելի փխրուն են դարձնում. Դավութօղլու

Թուրքիայի վարչապետ Ահմեդ Դավութօղլուն հանդիպել է ԵՄ խորհրդի նախագահ Դոնալդ Տուսկի հետ:

Ըստ Demokrathaber-ի՝ հանդիպումից հետո մամուլի ասուլիսով հանդես եկած Դավութօղլուն ասել է, որ Տուսկի հետ զրույցի ընթացքում քննարկել են, թե ինչպես կարող են ավելի արդյունավետ օգտագործել ներգաղթյալների համար տրամադրվող երեք միլիարդ եվրոն:

«Սիրիայի ճգնաժամի պատասխանատուն ո\'չ Թուրքիան է, ո\'չ էլ ԵՄ-ն, բայց հետևանքները կրում ենք մենք: Մենք հավատում ենք, որ մարդկային թրաֆիքինգի բոլոր տեսակները հանցանք են: Քննարկեցինք, թե ինչպես կարող ենք կանխել Էգեյան ծովում անմեղ մարդկանց մահը: Այս հարցի հիմնական պատճառը Սիրիայում անկայունությունն է: Մենք կարևորում ենք փխրուն պայմաններում շարունակվող հրադադարը: Ցավոք,  նկատում ենք, որ ՌԴ-ի և ռեժիմի կողմից իրականացված խախտումները Սիրիայում հրադադարն ավելի փխրուն են դարձնում»,- հայտարարել է նա: