Էրդողանը կարեւորում է իր այցը Ադրբեջան

Այսօր Ադրբեջան այցից առաջ` օդանավակայանում, Թուրքիայի վարչապետ Ռեջեփ Թայիփ Էրդողանը լրագրողներին ասել է, որ շատ է կարեւորում իր այցը:

Ինչպես տեղեկացնում են թուրքական ԶԼՄ-ները, նա նշել է, որ Ադրբեջանում քննարկելու է տարածաշրջանային, ադրբեջանա-թուրքական հարաբերությունների զարգացմանը, նաեւ Nabucco նախագծի իրականացմանը վերաբերող հարցեր:

«Մեր երկրների միջեւ երկարաժամկետ նախագծերի իրականացումը ծառայում է ոչ միայն թուրք-ադրբեջանական հարաբերությունների, այլեւ ամբողջ տարածաշրջանի զարգացմանը: Մենք շարունակելու ենք հետագայում էլ ջանքեր գործադրել այս տարածաշրջանում կայունություն եւ խաղաղություն հաստատելու ուղղությամբ»,- հայտարարել է Էրդողանը: