Հունաստանին օգնության ձեռք են մեկնում

Երեկ Բրյուսելում եվրոյի գոտու 17 երկրների պետությունների եւ կառավարությունների ղեկավարները սկզբունքային պայմանավորվածություն են ձեռք բերել բարդ տնտեսական վիճակում գտնվող Հունաստանին ֆինանսական օգնություն ցուցաբերելու վերաբերյալ. տեղեկացնում է BBC-ն:

ԵՄ նախագահ Հերման վան Ռոմպեյը հայտարարել է, որ Հունաստանի ֆինանսավորման ծրագիրն իրականացվելու է ինչպես Եվրամիության, այնպես էլ Արժույթի միջազգային հիմնադրամի, նաեւ մասնավոր ֆինանսական կազմակերպությունների կողմից:

Հունաստանի տնտեսությանը հատկացվելիք ընդհանուր գումարը մոտ 200 մլրդ եվրո կլինի: Կտրամադրվեն երկարաժամկետ վարկեր` 3,5 տոկոսադրույքով, 30 տարվա մարման ժամկետով: